தீயதைக் காண்; தீயதைக் கேள்; தீயதெனச் சொல்
நீதி: "எதிரி செய்வது மேற்பார்வைக்கு நல்லதெனத் தோன்றினாலுங்கூட, அது கெடுதலெனத் திரித்துச் சொல்லுதல்" பக்திரிகாவதர்மத்தின் ஒரு பகுதி
Gulf News
Published: 22/7/2005, 07:10 (UAE)
Tigers launch campaign against child marriages
By Sinha Ratnatunga, Correspondent
Colombo :
Tamil guerrillas have launched a fresh campaign in the north and eastern provinces against increasing child marriages, a move which has deprived them of conscripting children to the military wing.
......
...But, non-governmental organisations working in the area said that most of the child marriages were taking place as the families wanted to prevent their children being conscripted by the Tamil guerrillas.
Full Text Here
மேற்கண்ட செய்தி, முழங்காலுக்கும் மொட்டைத்தலைக்கும் முடிச்சுப்போடுதல் என்பதன் உச்சமான செயற்பாடு. அதாவது பாலகர்மணங்களுக்குக் காரணம், விடுதலைப்புலிகள் அவர்களை இயக்கத்திலே சேர்த்துவிடுவார்களாம். இப்படியான "சேவலும் எருதும்" செய்திகளை எவர் நம்புவார்களென்று சில ராம்வோச் வாசகர்கள் யோசிக்கக்கூடும். இந்த வாசகர்களை ராம்வோச் கொஞ்சம் சுற்றியிருக்கும் வலைப்பதிவுகளையும் இந்து போன்ற ஊடகங்களிலே வரும் செய்திகளுக்கும் பத்தியெழுத்து, கட்டுரைகள் இவற்றுக்கான எதிர்வினையாக வாசகர்கடிதங்களிலே வருகின்றவற்றினையும் அவற்றினை எழுதுகின்றவர்களின் கல்வியறிவு, பட்டறிவு ஆகியவற்றினையும் சேர்த்துப் பார்க்கும்படி கேட்டுக்கொள்கிறது.
Friday, July 22, 2005
Posted by -/பெயரிலி. at 4:53 AM 4 comments
Wednesday, May 04, 2005
மீண்டும் மீண்டும்....
“Repeat a lie a thousand times and it becomes the truth.” - ஹிட்லரின் கொள்கைபரப்பு அமைச்சராக இருந்த ஜோஸப் கோயாபல்ஸ் சொன்னதாகச் சொல்லப்படும் மேற்படியான கூற்றினை த இந்துவின் வி. எஸ். சம்பந்தனின் நோக்கிலே மாற்றிச் சொல்வதானால், இப்படியாகச் சொல்லலாம்: “Hide a truth a thousand times and it becomes lie.”
சிவராமின் முன்னைய புளொட் சார்பினைச் சுட்டிச் சொல்லிக்கொண்டேயிருக்கும் சம்பந்தன், ராம்வோச்சர் சென்ற பதிவிலே சுட்டிக்காட்டியதுபோல, சிவராமின் பின்னைய புலி ஆதரவினை (அதற்காகத்தான் அவர் கொல்லப்பட்டிருக்கலாமென்று மீதிப் பெரும்பாலான ஊடகங்கள் சுட்டிக்காட்டுகின்றபோது) அப்படியே மறைத்துவிடுகின்றார்.
Media organisations condemn murder of journalist
V.S. Sambandan
Wednesday, May 04, 2005
ஆனால், அதேநேரத்திலே, தன் வழக்கமான "Military Analysts say" போன்ற பொதுவானதும் அநாமதேயமானதுமான மேற்கோளுக்கான கூற்றாளர் வரிசையிலே கீழ்வரும் செய்தியிலே சொல்லியிருப்பது இது:
"Reports said Sivaram's family had declined an LTTE request that his body be brought to the LTTE's political headquarters' in Kilinochchi as he had wanted "a simple funeral." "
இச்செய்தி உண்மையாக இருக்கக்கூடும். ஆனால், இச்சிறுசெய்தியினை முன்னிலைப்படுத்தும் சம்பந்தன், புளொட்டிலிருந்த சிவராம், த ஐலண்டில் எழுதிய தராக்கி இவற்றிலிருந்து நேரடியாகக் கொலைக்கும் புலிகளின் தளத்திலே சிவராமின் உடலை அஞ்சலிக்கு வைக்க அவரது குடும்பத்தினர் மறுத்துவிட்டதையும் இணைப்பாக எழுதி இவ்விரு காலப்பகுதிகளுக்கும் இடைப்பட்ட காலத்திலே சிவராமின் நிலைப்பாட்டினையும் (அதுவே அவரின் கொலைக்குக் காரணமாகியிருக்கலாமென்ற கருத்தமைப்பையும்) திட்டமிட்டே மறைப்பதை, “Hide a truth a thousand times and it becomes lie” என்றன்றி வேறெப்படியாகச் சொல்லமுடியும்?
Posted by -/பெயரிலி. at 12:08 PM 4 comments